O Hércules Brass reúne en Celanova a grandes intérpretes do vento-metal

Celanova acolle do 31 de xullo ao 4 de agosto a cuarta edición do Festival Internacional Hércules Brass. Nove concertos e un curso de vento-metal impartido a preto de 90 alumnos e alumnas é a oferta da cuarta edición deste evento que reúne a algúns dos profesionais do trombón, da trompa, de tuba ou de trompeta máis destacados de Galicia. Fernando Buide, VigBrass Ensemble, Back to Brass, Hércules Brass Quinteto de Metais, Natalia Ensemble, Hércules Brass Ensemble e o alumnado do curso completan o recital de actuacións, que rematarán o 4 de agosto, ás 23:45 horas, no claustro do mosteiro de San Salvador, con Rubén Simeó e a Banda de Música de Celanova.