Vilagarcía acolle o segundo Bicomún

Logo da experiencia de Bueu, a asociación Niquelarte celebrará o vindeiro domingo, en colaboración con O Faiado da Memoria, o segundo Bicomún. Esta proposta chama aos veciños a valorar e sinalar o seu coñecemento sobre diferentes elementos patrimoniais da zona, sinalando se ao seu ver están ben conservados ou qué uso se lles podería dar. A proposta convida a reflexión sobre unha conserveira abandonada, un antigo colexio, un conxunto de petróglifos ou a estación de tren de Carril, entre outros elementos.