Unha xornada enche de danza, música e arte a Illa das Esculturas

Cruza o río, fai ponting. Este é o lema co que o concello de Pontevedra pretende dinamizar a illa do covo, máis coñecida como Illa das esculturas. E para facelo, propón unha pequena viaxe por ese espazo o vindeiro día 2 pero con roteiros, visitas, espectáculos de danza, concertos, teatro e obradoiros. Son numerosas as actividades que arrincan no Pazo da Cultura desde onde se trasladarán ata a illa. A proposta está coordinada pola Central Folque cos colectivos Alg-a Lab e Danesga.