A Casa Reitoral, o Pazo dos Condes e a Torre da Homenaxe do Castelo de Monterrei serán obxecto de obras de rehabilitación por valor de 1,45 millóns de euros. O Diario Oficial de Galicia publica hoxe a orde pola que a Axencia Turismo de Galicia abre a licitación destes traballos, financiados nun 80% por fondos Feder da Unión Europea. Previstos para un tempo mÃnimo de oito meses, o proxecto inclúe accións de rehabilitación e consolidación, melloras nas cubertas, urbanización e saneamento. No caso do Pazo dos Condes, a proposta prevé modificacións na súa estrutura de cara a lle dar un novo emprego. Asimesmo, mellorarase o cerramento exterior do conxunto e modificaranse distintos acabados na procura de lle dar máis coherencia ao conxunto.
