Un proxecto afonda na relación da música contemporánea co seu contexto

A música garda unha especial relación coas palabras, co visual, co espazo e coa natureza. E sobre eses vencellos reflexiona o ciclo Do Audible, unha iniciativa promovida pola secretaría xeral de Cultura e organizado por Vertixe Sonora Ensemble. Toma a forma de catro concertos en catro cidades diferentes arredor de outras tantas ideas. Deste xeito, poetas, arquitectos, científicos e artistas intervirán no ciclo para ilustrar a relación destes elementos diferentes coa música contemporánea. Vertixe Sonora Ensemble interpretará obras de novos compositores europeos, entre eles varios galegos.