Tordoia vai reconstruír o dolmen de Castenda

Canda o dolmen de Chousa Nova, en Silleda, a tumba megalítica de Castenda (Tordoia) foi a única que contiña un enxoval con ámbar en Galicia, pero iso non a salvou de sufrir unha destrución case total nos anos 50, cando o dolmen foi desmantelado. A gran laxe de cubrición foi parar como base dunha ponte sobre o río Chonia. A partir de prospeccións levadas a cabo nos 90 e hai tres anos, e cos 9.500 euros dunha subvención provincial, o concello de Tordoia quere reconstruír o monumento. Nestes momentos están á espera da decisión da Dirección Xeral de Patrimonio sobre a reubicación do monumento.