Unha ruada de papas e unto

Co gallo do Día das Letras Galegas, o CCG editou este facsímile, que agora podes descargar de balde, da obra de teatro Ruada das papas e o unto. A obra foi estreada por primeira vez nas Pontes en 1981 por parte da primeira compañía de Vidal Bolaño, Teatro Antroido, e vale para comprender a traxectoria teatral e intelectual de Vidal Bolaño. Como sinala López Silva nos textos introdutorios, Vidal Bolaño buscou as raíces do teatro galego nas manifestacións populares parateatrais, coma o Entroido. O resultado: este fermoso mecanoscrito que nos achega ao coidadoso proceso creativo de Vidal Bolaño.