Duas cadeas de supermercados súmanse á campaña das letras

Vegalsa-Eroski dunha banda e Gadis da outra. Son as dúas liñas de supermercado que celebrarán nos seus establecementos o día das letras galegas e o 150 aniversario de Cantares Gallegos. A achega de Eroski, co apoio da Xunta, consiste en cartelería e unha tiraxe especial conmemorativa de bolsas que incorporan textos dun dos poemas de Rosalía. Por outra banda, Gadis repartirá o vindeiro 16 de maio máis de 30.000 libros e dous millóns de bolsas de plástico cun texto sobre o dramaturgo Roberto Vidal Bolaño.

O texto que inclúe a Eroski nas súas bolsas é un coñecido poema de Rosalía que ten o seguinte texto: "Cantarte hei, Galicia / teus doces cantares, / que así mo pediron / na beira do mare. / Cantarte hei, Galicia / na lingua galega / consolo dos males, / alivio das penas (Rosalía de Castro, 1863).

No caso de Gadisa, Xosé Antonio Perozo é o autor de Sopa de Letras en Gadis, unha historia interactiva do mundo comercial" que se desenvolve nun supermercado. Con ilustracións de Suso Cubeiro, narra a historia dun profesor e varios alumnos dun centro escolar que seguen as pistas de sopas de letras para resolver o misterio da desaparición dn libro do século XII.