A RAG renuncia á súa segunda sede

O proxecto dunha segunda sede para a Real Academia queda suspendido. Segundo publicaba esta fin de semana La Voz de Galicia un dos últimos plenarios desta entidade acordou recentemente voltarlle a Novagalicia Banco o inmoble que cedera con este fin de 2007. A falta de fondos para abordar a rehabilitación do edificio, que fora casa de Rosalía de Castro e Manuel Murguía na Coruña, está detrás da decisión da RAG. Novagalicia Banco voltaralle en troques á RAG os 51.000 euros que a entidade investiu en reparar desperfectos no local durante o tempo que o tivo cedido.