A Consellaría de Cultura e Educación cesa ao xerente do CGAC

Estivo con Gloria Moure, Miguel Fernández-Cid, Manuel Olveira e agora con Miguel von Hafe. Manuel Arroyo, o xerente do Centro Galego de Arte Contemporánea, era o traballador máis antigo de cantos ten a entidade e traballou con todos os responsables deste centro case desde a súa creación. A consellaría de Cultura e Educación acaba de comunicarlle o seu cese que aínda non é efectivo. Fontes deste departamento apunta a un “proceso de renovación” no CGAC e que “se designará en breve a unha nova persoa para o posto”.