Marcopola 2. Os Piratas da Lúa, segundo volume das aventuras da Illa Remeira que creou o vigués Jacobo Fernández, chegará á tenda a mediados deste mes de maio. Edicións Xerais publica en galego esta obra mesmo antes de que saia en calquera outro idioma, aínda que o autor adianta que Bang! edicións a sacará nos vindeiros meses en castelán, catalán e francés. O volume de 56 páxinas sairá á venda a un prezo de doce euros, e, segundo adianta o autor "é un volume de aventuras, con piratas bos, piratas malos e un tesouro agochado".
Fernández tem programadas xa tres sesións de presentación do novo traballo. Serán os días 14, 15 e 16 deste mes nos centros comerciais El Corte Inglés de Santiago, Vigo e A Coruña, sempre ás seis e media da tarde. Nestas sesións, o autor impartirá un obradoiro de debuxo para nenos e nenas de entre 6 e 11 anos, asinará exemplares e agasallará marcapáxinas do personaxe.
