A Cidade da Cultura acollerá o ciclo Pel de galiña

Cinco concertos de "música que emociona", esta é a proposta que achega a Cidade da Cultura a partir do vindeiro 21 de maio. A israelí Noa, acompañada do cuarteto napolitano Solis String Quartet abrirá esa noite o ciclo Pel de galiña, que se prolongará ata o 26 de xuño. Seguirana Silvia Pérez Cruz con Javier Colina, a pianista Gabriela Montero, Uxía e Gregory Porter, que fechará o evento. As entradas están á venda a un prezo de entre 10 e 14 euros.