Competía na sección Vangarda e xénero e regresa da súa participación no festival de cine de Bos Aires (Bacifi) co “Gran premio”. Arraianos de Eloy Enciso, que ofrece un retrato alegórico e personal do Couto Mixto a partir de O bosque, o texto do dramaturgo Jenaro Marinhas del Valle continúa o seu exitoso percorrido de festivais. Trala participación en Locarno, no Festival de Cine de Sevilla, no Fecunam mexicano, no festival de Vancouver e, en Galicia, en Play Doc e Cineuropa. Os gañadores desta edición son o filme inglés Berberian Sound Studio, de Peter Strickland na Selección Oficial Internacional, e La paz de Santiago Loza na Selección Oficial Argentina.
Canda a participación de Eloy Enciso, había máis presenza galega. Dunha banda estaba Lois Patiño quen exhibíu, alén das súas últimas curtametraxes, un adianto da longametraxe “Costa da Morte” que está a piques de rematar. Da outra, Ramiro Ledo que ofreceu en primicia a estrea “VidaExtra”, o seu último filme no marco da sección Panorama
