Imaxe de Tamara Feijoo. Foto: cortesía MARCO/Enrique Touriño
Un bosquexo é un proxecto ou apuntamento previo á execución dunha obra pero tamén unha imaxe mental, unha especie de idea latente na mente do artista e no seu ámbito de traballo. Esa polisemia é a que lle dá xogo aos comisarios Ángel Cerviño e Alberto González-Alegre para peneirar nos lugares de produción dos artistas coa intención de rescatar materiais que fan parte do esquelete último das obras de arte. Nun xogo de achegar novas lecturas e novos interrogantes sobre o seu significado. A exposición O bosquexo do mundo poderá verse ata o 15 de setembro no Museo de Arte Contemporánea de Vigo (MARCO).
Hai un pouco de todo. Artistas novísimos, creadores nacidos nos oitenta, na década anteriores unha vintena de creadores que traballan debuxo, gravado, pintura, colaxe……………..os máis variados ámbitos creativos. A escolma feita polos comisarios poderase ver na planta baixa do MARCO e permite unha visita ao taller do artista desde o propio museo, un dos destinos desas obras de arte.
