O Consorcio de Santiago restaurará San Francisco para o seu 800 aniversario

O Convento de San Francisco é un dos máis destacados de Compostela. A súa construción está relacionada coa peregrinación que San Francisco fixo a Santiago hai oitocentos anos. Unha efeméride que, segundo publica hoxe La Voz de Galicia,o Consorcio quere celebrar en 2014. Para iso, este xornal explica que o o consorcio da cidade financiará unha serie de traballos no immoble durante os vindeiros meses. As obras consisten en limpeza para combatir humidades e vexetacións, a reordenación do xardín centradas na fachada e na capela da Orde terceira. O orzamento destas actuacións ronda os 117.000 euros.