O vindeiro 30 de abril o xardÃn do Pazo de Fonseca, sede da Biblioteca Xeral da Universidade de Compostela, acollerá o soterrado das dúas cápsulas do tempo do proxecto Once Uns. A iniciativa, posta a andar polo colectivo Sentinel Wardrove, pretende deixar baixo terra ata o 26 de abril de 2047 (ano que se escribe como once veces un en notación binaria) dúas cápsulas do tempo. No interior das mesmas haberá un computador, software e mais soportes informáticos como lapis USB e tarxetas SD que poden achegar todos os interesados. A intención é que no momento no que se abran as cápsulas, unha das cales será infantil e se abrirá xa en 2016, se poida ler a información contida nestes soportes.
