Co catalán Mag Lari e o arxentino René Lavand, xa presentes en anteriores edicións como cabezas de cartel, a Cidade da Muralla acollerá entre o 5 e o 11 de maio a décima edición de Lugomáxico a Semana Internacional de Maxia de Lugo . En total serán setenta actuacións a cargo de vinte ilusionistas en diferentes emprazamentos da cidade. Un teatro móvil na Praza Maior e mais un autobús máxico serán algúns dos escenarios do evento, que tamén chegará a escolas ou locais de hostelaría. Ademais, o Mago Antón amosará as súas habilidades en actuacións sorpresa na rúa.
