A maxia ameaza con asolagar A Coruña este mes. Por unha banda, cada fin de semana celebrarase nos espazos públicos da cidade o III Festival Internacional de Maxia de Rúa, que reunirá oito ilusionistas internacionais, coma o Mago Norberto, Kayto, Willy Monre, ou Peter Wardell. A completar esta proposta, entre o 22 e o 26 de setembro a cidade acollerá o XXX Congreso Máxico Internacional, que reunirá profesionais deste sector chegados de todo o mundo e que se celebra por primeira vez en Galicia.
