A Illa de San Simón acollerá as X Xornadas do Pensamento Máxico

Analizar as tendencias na arte da maxia e ámbitos como maxia e televisión, maxia para empresas, maxia con líquidos ou guión e maxia son algúns dos temas que se tratarán nas X Xornadas de Pensamento Máxico. Este evento, coordinado pola Asociación de Magos Profesionais de Galicia e mais a Fundación Illa de San Simón, contará coa presenza de ilusionistas chegados de todo o estado e mesmo de Europa e de América. Segundo a Consellaría de Cultura "estas xornadas permitirán á Fundación Illa de San Simón continuar no seu traballo pola internacionalización e desenvolvemento do proxecto 'Illa do Pensamento'".