Ourense contará no 2008 cunha “Casa da Maxia”, un espazo que acollerá espectáculos de maxia en vivo, unha biblioteca especializada e proxeccións audiovisuais. O local será xestionado pola Asociación de Magos Profesionais de Galicia que terá alí unha extensión da sede que hai en Santiago. O Concello de Ourense destinará 400.000 euros á rehabilitación deste edificio na Praza da Ferraría, co que pretende incrementar as actividades de ilusionismo na provincia.
