Artistas galegos ofrecen subhastar obras para a limpeza do litoral

Máis iniciativas para apoiar a limpeza do noso litoral. Un grupo de escritores, artistas, arquitectos e marchantes están a coordinar exposicións en Madrid, A Coruña, Santiago, Vigo e Pontevedra para amosar as obras de recoñecidos artistas galegos contemporáneos. O obxectivo é realizar unha subhasta coa que recadar fondos para a limpeza que están a levar a cabo os voluntarios. A mostra podes vela en Santiago, na Fundación Granell, entre o 21 e o 30 de xaneiro.