Cultura confirma que os traballos de limpeza do adarve da muralla lucense comezarán en breve

En menos dun día, a Consellaría de Cultura e Turismo contestou ao órdago enviado por Lopez Orozco que ameazou cunha limpeza veciñal do adarve da Muralla. Nun comunicado, a consellaría de Cultura confirmou que os traballos comezarán de inmediato, a cargo de persoal especializado e sempre baixo a dirección do arquitecto autor do proxecto de limpeza da Muralla, ademais da coordinación dun arquitecto da Dirección Xeral do Patrimonio Cultural.