En tres días cesarán os traballos de limpeza de fondos mariños do Parque Nacional Illas Atlánticas. Segundo o comandante José Antonio González da Escola Naval Militar de Marín, “extraeuse todo o fuel atopado”. Mentres, o conselleiro de Pesca, Enrique López Veiga, anunciou que o fuel que queda no barco é líquido e pode extraerse segundo as observacións realizadas polo submarino Nautile. A Xunta agarda que para o vindeiro outono xa non quede fuel nas adegas do buque. Mentres, a Federación Ecoloxista Galega (FEG) denunciou que as tarefas de limpeza con maquinaria pesada están a provocar danos irreparables na costa, entre eles, a destrucción completa dunha praia de coídos en Touriñán.
Máis información en La Voz de Galicia; en El Correo Galego sobre a extracción do fuel e sobre a limpeza no Parque Nacional; na canle Verde de Vieiros sobre a destrucción de praias
