Son publicacións periódicas moi relevantes para comprender o nacemento do galeguismo e da cultura galega contemporánea, e consérvanse no arquivo da Real Academia Galega. Estes días, a institución fixo públicas as dixitalizacións dalgunhas destas revistas senlleiras, coma O Vello do Pico-Sagro, promovida polos irmáns De la Iglesia, Galicia Diplomática, fundada polo arquiveiro Bernardo Barreiro de Vázquez Varela ou a revista Galicia: revista quincenal ilustrada, que chegou a estar dirixida por Basilio Álvarez. Entre as cousas que se poden explorar, está unha vívida crónica orixinal do XVII do ataque pirata berberisco a Cangas.
