Todos os grupos políticos presentes no Parlamento apoiaron onte a moción do PSOE a solicitar que o galego manteña a súa condición de materia troncal no ensino. A cámara solicitoulle á Xunta que promova esta consideración para a nosa lingua ante a presentación da LOMCE, a nova lei educativa promovida polo ministerio, que reservaba o carácter de troncal para o castelán e diminuía así o estatus das demais linguas oficiais.
