Todos os grupos políticos do concello apoiaron o manifesto que critica a representación de Castelao en castelán

As tres forzas políticas do Concello de Rianxo -PP, BNG e PSOE - decidiron nun pleno celebrado onte apoiar o manifesto "O CDG, o idioma e o diñeiro público" que presentou a Mesa pola Normalización Linguística contra a estrea en castelán da coproducción do Centro Dramático Nacional e o seu homólogo galego da obra Os vellos non deben de namorarse, escrita polo rianxeiro Daniel Rodríguez Castelao. A Mesa fixo pública a súa valoración positiva da unanimidade na decisión do pleno.