Por vez primeira, falouse galego nun pleno do Senado Español. A norma que permite o emprego das linguas cooficiais na cámara alta entraba onte en vigor. Curiosamente foi unha senadora vasca, Miren Leanizbarrutia, do PNV, a primeira en falar na nosa lingua. A ela seguiulle o senador do BNG Pérez Bouza. Os representantes do PP galegos empregaron o castelán nas súas intervencións.
