Sucos da mina romana. Foto: Mariña Patrimonio
Mariña Patrimonio anunciou a existencia dun importante complexo mineiro romano para a extracción de ouro, ubicado entre os lugares de As Covas (Barreiros) e A Espiñeira (Foz). A existencia da mina, que ten canles, sucos de extracción e grandes traballos de remoción de terra, foi confirmada polo arqueólogo Santiago Ferrer, especialista en época romana. "O complexo podería ter unhas 150 hectáreas e está en moi bo estado", asegura o presidente de Mariña Patrimonio, Manuel Miranda, quen sinalou que o achado se produciu mentres procuraban un castro catalogado por Patrimonio na área.
