Cando a Xunta de Galicia comprou o Castelo de Pambre encargoulle ao estudo do arquitecto Mario Crecente un proxecto para a a súa restauración. Segundo publica hoxe El Progreso, ese informe estima en 3 millóns de euros o custe da rehabilitación. Ademais, valora a posibilidade de redactar un plan director que fixe o futuro uso da fortificación medieval. A máis curto prazo, a vindeira semana comezarán as obras de mellora da contorna do Castelo. Unhas actuacións que se realizarán grazas a unha partida de 109.000 euros procedentes de Fondos Europeos canalizados a través de Agader.
