Unhas xornadas analizan o valor patrimonial dos camiños

Os camiños entendidos como patrimonio. Esta é a base da que parten as xornadas A protección dos camiños históricos en Galicia que organiza o Consello da Cultura Galega os vindeiros días 6 e 7 de marzo. No encontro analizarase a situación das vías con importancia histórica no país, como as rutas xacobeas, as vías romanas ou os camiños megalíticos, así como a problemática da súa conservación e protección. Especialistas como Carlos Nárdiz, Xosé Ramón Menéndez Luarca ou Ignacio Cerrada participarán nos encontros.