Capa do Dicionario de alimentación e restauración
Máis de 3.000 conceptos e 3.600 denominacións cos seus equivalente en castelán e inglés. Esta é a proposta do Dicionario de alimentación e restauración que presentaba recentemente a Xunta. Agora, a obra está dispoñible para a súa descarga íntegra no web da Secretaría Xeral de Política Lingüística. O proxecto, elaborado polo grupo TERMIGAL do Centro Ramón Piñeiro, quere favorecer o emprego da nosa lingua no sector hostaleiro. Na obra, para alén dos nomes dos alimentos, podemos atopar tamén as denominacións latinas de moitas especies e mesmo definicións sobre xeitos de cociñar, entre outros contidos.
