Non é dos espectáculos recentes de Elefante Elegante, pero Iliria rezuma todos os sinais de identidade desta compañía: un espectáculo moi atractivo visualmente cunha escenografía e iluminación responsable dunha plasticidade na que a música exerce de fío narrativo. Iliria é unha revisión do clásico de Shakespeare Noite de Reis, “arredor da facilidade coa que amamos e deixamos de amar” do que “realmente somos e o que parecemos” tal e como conta unha nota de prensa remitida por Agadic, xa que o espectáculo estará de venres 22 a domingo 24 no Salón Teatro (Rúa nova 34, Santiago).
Fredi Muíño, Iria Pinheiro, María Torres e Gonçalo Guerreiro son os creadores deste traballo que entremezcla danza, o mimo e as acrobacias aéreas aderezado con moito humor.
A historia sucede na illa de Iliria onde o Duque Orsino more de amores por Olivia, pero a pesar das románticas cancións portuguesas que lle adica, o seu amor non é correspondido.
Ao mesmo tempo, dous irmáns xémeos, Violeta e Sebastián, naufragan na costa de Iliria. Violeta vese obrigada a disfrazarse de home coas roupas do irmán para poder sobrevivir nun país estranxeiro. Pero Sebastián tamén se salvou, e sen sabelo, inicia unha sorte de divertidos equívocos amorosos.
