O Elefante ponse “in”

A voda dos pequenos burgueses de Bertold Bercht e dos contos de Andersen e Grimm son o punto de partida de In, o último espectáculo da compañía galego-portuguesa Elefante Elegante. Fiel á súa traxectoria, neste espectáculo indaga na representaicón contemporánea da figura social fusionando o teatro físico, a danza, as artes plásticas e as artes visuais. Unha mostra do máis contemporáneo e actual do teatro galego que pretende respostar a interrogante como ¿Somos o que parecemos? ¿Somos ou só parecemos?.