É a plataforma comercial máis importante para a moda en Europa do leste e un dos mercados máis atractivos para a creación de moda actual. A vixésima edición da CPM Collection Premiére Moscow contará coa presenza da creadora galega Sara Coleman. Estará no marco do pabillón que o ICEX organiza e que servirá para exhibir as propostas para o vindeiro outono/inverno. Moito antes, Coleman ten outra cita relevante. Será na coñecida pasarela madrileña na Mercedes Benz Fashion Week onde mañá presentará, no ecuador do evento, as súas propostas creativas.
