Un manifesto pídelle á Xunta que non leve o decreto do galego ao Supremo

Xuristas, empresarios, políticos, políticos… son algúns dos preto de 200 asinantes do manifesto cidadán Chamamento polo galego. Unha iniciativa presentada onte en Santiago por Henrique Monteagudo, Valentina Formoso, Marilar Aleixandre, Mariló Candedo e Alba Nogueira. Nela solicítanlle á Xunta que acate a sentenza do Tribunal Superior de Xustiza de Galicia e non continúe cos trámites xurídicos para presentar un recurso de casación diante do Tribunal Supremo. A iniciativa busca adhesións da cidadanía a través da rede e as sinaturas acadadas seránlle entregadas ao presidente, Alberto Núñez Feijóo, con quen os promotores solicitaron unha entrevista.