Faleceu Manolo Soto

Foi un dos promotores do Festival de Poesía do Condado e desenvolveu un intenso labor de dinamización cultural desde a Sociedade Cultural e Deportiva desta comarca, que tamén contribuiu a fundar en 1973. Manolo Soto falecía na madrugada de onte, día cinco, logo dunha longa doenza. O tanatorio de Salvaterra do Miño acollerá ás 19:30 horas desta tarde un acto de despedida, mentres para o vindeiro sábado está previsto un acto de homenaxe no cal se esparexerán as súas cinzas desde o castelo desta localidade.