O Museo Arqueolóxico de Ourense precisa vinte millóns

Aínda que leva oito anos fechado con vistas a súa renovación, non hai perpectiva de que o Museo Arqueolóxico de Ourense abra as súas portas en breve. Segundo sinala hoxe La Región, o conselleiro de Cultura, Xesús Vázquez, mantivo este martes un encontro con representantes do Ministerio de Cultura, responsable do Centro, no cal ser verificou a parálise nos traballos que estaba previsto rematar en dous anos. Ademais, no encontro cuantificouse en 20 millóns de euros a contía para pór en marcha o museo de novo, unha vez rematada a restauración do edificio. Os dous reponsables acordaron ir traballando de cara á futura apertura do centro, mais sen adiantar datas nin actuacións.