O Consello da Cultura chama a facilitar o acceso ao patrimonio moble

Recomendacións para o acceso ao patrimonio moble de Galicia é o título do texto que o Consello da Cultura Galega lle remitiu à Consellaría de Cultura que propón unha serie de medidas para coñecer e popularizar este tipo de bens culturais. O texto salienta a necesidade de mellorar o coñecemento e a catalogación deste patrimonio, ao tempo que chama a campañas de sensibilización pública e a facilitar o acceso ao mesmo. Ademais, reclámase unha maior profesionalización na xestión destes elementos. O texto foi elaborado por unha Comisión Técnica Temporal para o Acceso ao Patrimonio Moble.