Dosier: Wolframio

A Mina dos Alemáns en Casaio (Valdeorras) e mais a das Sombras, en Lobios, entrarán a formar parte do proxecto Rutas do Wolframio. O Instituto Ourensán de Desenvolvemento Económico (Inorde) iniciou os trámites para integrar as explotacións da provincia nesta iniciativa, nada en Portugal. O obxectivo é crear un grande percurso que amose e documente estas explotacións, de grande importancia histórica, que sexa recoñecido como Itinerario Cultural do Consello de Europa. Desde o Inorde sinalan que nunha vindeira fase aspiran a integrar no proxecto tamén a mina de Vilanova (A Veiga).