Imaxe do simposio
Novos camiños para o estudo da cultura e a arte. Un simposio en memoria de Serafín Moralejo é o título do encontro que organiza o Consello da Cultura Galega en memoria do catedrático de Historia da Arte da Universidade de Santiago de Compostela e profesor da de Harvard. No encontro participarán varios dos discípulos deste afamado investigador e abordaranse cuestións como a arte no Camiño de Santiago, a ordes mendicantes na Galicia medieval ou o proceso de patrimonialización das peregrinacións na nosa cultura.
