A arte de CAIR

A orixe de todo está en Circo Nove, o espazo de adestramento, onde Óscar Paez, Santiago Montero, Jano Costas, Ariñe Azkue e Natalia Outeiro,Pajarito coincidían para os seus respectivos ensaios. Alí empezaron a reflexionar porque é tan graciosa a violencia gratuíta, as caídas e os golpes e decidiron montar unha compañía. O nome, non podía ser máis ad hoc, Cair, que significa Caídas Acrobacias Investigación Risas. O resultado de todo isto veuse onte e hoxe no Salón Teatro.

Natalia Outeiro ponse á fronte destes catro artistas que proban diferentes maneiras de caer. É un espectáculo non narrado no que catro personaxes excéntricos teñen don de “caer ben” e darse golpes sen mancarse. Caír é, segundo explica Óscar Páez tanto o nome da compañía do deste primeiro espectáculo . Del explica que foi un proceso longo de traballo “de reflexión de catro artistas arredor dunha mesa sobre a que despois cada un de nós transforma dun xeito diferente”. Logo dunha residencia artística en Marsella, onde fixeron a primeira pre-estrea deste proxecto, e de participar en varios festivais de novo circo, fan a presentación oficial do espectáculo no Salón Teatro. “Despois o espectáculo estará parado catro meses porque tanto Ariñe Azkue como eu imos a Arxentina a desenvolver un proxecto de investigación cunha bolsa da Deputación da Coruña” explica Páez.

Ficha técnica
Idea orixinal, son e vestiario: CAIR
Escenografía: Jose Perozo – CAIR
Axudante de dirección: Jessy
Duración: 50 minutos
Xénero: novo circo; teatro xestual
Dirixido a todos os públicos
Ficha artística
Intérpretes: Óscar Paez, Santiago Montero, Jano Costas, Ariñe Azkue e Natalia Outeiro