Abre na Coruña Elefante 330, un novo espazo artístico

Vinte e dous artistas. Nados ou con vencellos con Galicia, que reflexionan sobre o como a crise financeira condiciona a nosa forma de ver e entender o mundo tanto na calidade da produción e na exhibición artística como no nivel de endebedamento social. O proxecto chámase “Plan de Rescate” no que participarán vinte e dous de artistas como Misha Bies Golas, Amaya González Reyes ou Vítor Mejuto, entre outros. Pero alén dun proxecto creativo é a carta de presentación pública de Elefante 330, un novo espazo artístico que nace na Coruña (rúa Alcalde Yordi Folla).

Grandes edificios víctimas do boom inmobiliario que acabaron en desuso logo de investir nelas moreas de cartos. Elefante blanco é o concepto acuñado para este tipo de construccións que se suceden en numerosas partes do mundo. E esa mesma casuística dáse no caso de Elefante 330, unha propiedade inmobiliaria de 330 metros cadrados sita no centro urbano da cidade da Coruña que tras décadas de actividade está paralizado. Sobre el se asenta un proxecto de xestión cultural baseado “nun modelo de traballo interdisciplinar que apunta a produción cultural de eventos de forma integarda coa contorna, ademais de traballar desde a máxima profesionalización”, segundo figura no sitio web da proposta.