Vinte e seis creadoras buscan o seu espazo na arte contemporánea

Antía Cea García Siempre hay insolentes..., 2012 Fotocopia, 10,5x15,5 cm

Todas son novas, artistas e mulleres. As vinte e seis creadoras que conforman o proxecto Artistas formáronse na facultade de belas Artes e Pontevedra e ese vínculo común é o que as converte en protagonistas deste proxecto encamiñado a dar visibilizar os seus traballos. Unha exposición de postais, unha publicación e accións en lugares atípicos para a arte cumpren con ese cometido.

Indagar sobre a identidade con representacións do propio rostro, os desastres económicos, as inxustizas sociais, a necesidade da memoria para comprender a existencia son moitas as temáticas que estas novas creadoras empregan nas súas obras. As profesoras Mar Caldas e Almudena Fernández fariña son as comisarias deste proxecto promovido pola Universidade de Igualdade da Universidade de Vigo co obxecto de apoiar as alumnas que rematan os seus estudos neste centro e inician a súa andaina no espazo profesional.

É a segunda edición do proxecto que conta con tres accións: unha exposición na fachada da biblioteca do Campus de Ourense (Belén Naveira, Cynthia Alfonso Barreiro, Irene Saíñas, María Prada, Nuria Bouzas Loureiro e Sabela R. Zamudio), unha edición de postais distirbudías polos vestíbulos dos edificios máis transitados da universidade e unha publicación que recolle documentación e obra das accións anteriores. Este volume enviarase a axentes culturais do ámbito do comisariado, da crítica, da dirección de institucións artísticas e a institucións culturais, galerías e centros de arte contemporánea do estado español e do estranxeiro.

Ana G. Pascual Morning Fog, 2012 Fotografa dixital a cor, 22x33 cm

Artista-s

Belén Naveira Muiño. Madeira, 2011.

Carta de presentación