Serxio Iglesias gaña Premio Eusebio Lorenzo Baleirón

A XXV Edición do Premio de Poesía Eusebio Lorenzo Baleirón foi para o autor de Corcubión Serxio Iglesias. Viaxe ao interior da fenda é o título da obra gañadora, que se impuxo entre as 38 que se presentaron ao certame e que lle reportará ao autor 2.300 euros en metálico. O xurado, composto por María Xesús Nogueira, Inma López Silva, Pura Prado e Bieito Iglesias, baixo a coordinación de Xabier Castro destacou a alta calidade dos traballos presentados. O acto de entrega do galardón realizarase o vindeiro 15 de decembro en Dodro, concello que organiza o premio.