Pontevedra presenta unha nova edición do Festiclown para o verán co que se inaugura o Seminario Cómico Galego

O Festiclown de Pontevedra xa ten datas para o 2003. Os narices vermellos aparecerán o día 15 de xullo, que será cando comece un novo festival que este ano estará organizado polo Seminario Cómico Galego. Un seminario que nace para asentar a Pontevedra dentro dos circuítos de clown, consolidarse como pioneiro en Galicia, organizar cursos de formación para profesionais, afeccionados e contribuír á dinamización social a través do clown.