Con Todos os días, unha novela sobre a crise económica e os seus efectos na vida cotiá das persoas, Alberto Ramos se facía onte do Premio Risco de Creación Literaria. O xurado do galardón, que está dotado con 6.000 euros e mais a publicación da obra en Sotelo Blanco, recoñeceu o xeito no que a obra reflicte "como esta falta de horizontes inflúe na autoestima das personaxes e condúceos á destrución persoal". Adelaida Vidal, Ánxela Gracián, Serafín Alonso e Soedade do Muíño foron os responsables da selección do certame, que convoca o Concello de Ourense.
