O futuro incerto das televisións públicas fai que a xornada que hoxe comeza na Facultade de Ciencias da Comunicación en Santiago teña especial relevancia . Os representantes de Circom, a Asociación Europea de Televisións Rexionais, abordarán os contidos da 31 Conferencia Anual, que se desenvolverá en maio de 2013 baixo a organización da CRTVG. Nesta xuntanza preparatoria, os directivos abordarán proxectos de coproducións, cooperación, actividades de formación e un estudo sobre a dimensión da televisión rexional.
