A FIOT honra ao seu deseñador gráfico, Alberto Gende, co Xograr de Outono

É a primeira vez que o Festival Internacional Outono de Teatro (FIOT) de Carballo dedica o seu Xograr de Outono a unha persoa que non está vencellada directamente coa profesión teatral. Neste caso, o premio deste certame homenaxea a unha persoa vencellada á organización da FIOT desde o seu inicio como foi Alberto Gende, encargado da imaxe gráfica desta cita. Gende, finado hai uns meses, recibe a título póstumo este galardón. Canda el, o concello e a Asociación Cultural Telón e Aparte, inauguraron tamén "Alberto Gende: dezanove anos de percorrido xuntos”, que recolle todas as súas achegas ao festival. Co de Gende é o segundo premio honorífico que se concede a título póstumo, xa que en 2002 recoñeceron a Roberto Vidal Bolaño, finado ese mesmo ano.