Enfiados polo baño

Tres individuos (Atilio, Basilio e Iris) coinciden nun baño público de homes. Nese espazo tan poco convencional tecen unha conversa que os levará a descubrir as súas verdadeiras identidades e a falar de amor, da amizade e da evolución social. Humor e suspense planan de fondo en Desfeitos, esta comedia escrita poloa autora arxentina Febe Chaves e dirixida por Pedro Rubín. Trátase da última montaxe de Teatro Galileo que se acaba de estrear en Narón e que inicia función que os levará de aquí a final de anos por Oleiros, Pontevedra e Ourense.

“Son tres seres solitarios que non son quén de conectarse e a única situación de falarse é no baño público, onde inician unha relación” explica Pedro Rubín, director da montaxe. Rubín cre que este tipo de espectáculos só son posibles cando “grazas á madurez como compañía, logo de moitos anos traballo xuntos”. A montaxe sitúase na liña de traballo da compañía, na que Pedro Rubín explica que fala da felicidade, das complexidades onde “a sociedade se volve máis individualista, non conta co entorno, non aprecia as cousas pequenas e isto fainos perder a felicidade.… na sociedade actual hai abondosos seres infelices, estresados ou con depresións, que é un pouco o que lle pasa ás personaxes deste espectáculo”.

A montaxe conta con escenografía de Rodrigo Roel e con iluminación de Eduardo Alonso que lle dan, en palabras do director, “unha limpeza ao espectáculo que permite poñer o énfase nos actores. É como o envoltorio dun paquete de regalo, que contribúe a reforzar o contido” explica.

Ficha artística
Atilio :Fernando Morán
Basilio: “Tanas”
Iris: Ana Santos

Ficha técnica
Tradución: Francisco Pillado
Escenografía: Rodrigo Roel
Iluminación: Eduardo Alonso
Vestiario: Teatro Galileo
Cobertura técnica: RTA
Deseño Gráfico e fotografía: Pablo Morán
Gravación espectáculo: Pixel films
Asesoría laboral-fiscal: Couselos Asesores
Colabora Padroado da Cultura. Concello de Narón
Duración: 70 minutos