O FITO desafía a crise cunha programación internacional

En medio da crise, no momento apurado para numerosas compañías teatrais, o Festival Internacional de Teatro de Ourense, saca peito e presenta un programa anegado compañías chegadas desde diferentes partes do mundo. De Ecuador chega “Malayerba” e as súas “Instrucións para abrazar o aire”; de Brasil Julio Adrião e a súa A descoberta das Américas…. Tamén de Italia e de Dinamarca. Entre os reclamos desta quinta edición está o de Carmen Machi, que chega con Xuízo a unha zorra premiado no Festival de Teatro de Mérida. Destaca na programación unha nutrida representación de compañías emerxentes que achegarán as propostas máis innovadoras do teatro galego. A cita, do 5 ao 20 de outubro.

A compañía Sarabela, organizadora do FITO, mantén para este ano unha estrutura de festival semellante ao de edicións anteriores con espectáculos de rúa, funcións nos teatros, cursos de formación (este ano será Julio Adrião quen imparta un curso titulado “O actor no solo narrativo”) e outras actividades como a presentación do último número da Revista Galega de Teatro.

As compañías galegas máis emerxente
Este festival, que sempre aposta polo máis contemporáneo das artes escénicas, programou nesta edición as máis emerxentes das compañías galegas. Voadora presentará Tokio 3, a súa fábula sobre o futuro que estrañamos e o mundo artificial que nos espera. Il Maquinario Teatro, compañía que se presentou no marco do festival de Ribadavia leva a súa aposta de O home almofada, unha novela do coñecido escritor irlandés Martin McDonagh, moi popular no teatro galego tralas adaptacións feitas por Producións Teatrais Excéntricas con Un cranio furado eOeste solitario. Nesta ocasión, conta a historia dun escritor de contos infantís con ganas de notoriedade que é arrestado e interrogado pola conexión entre as súas historias e unha serie de crimes e desaparicións de nenos da zona.

Outra das compañías de recente creación, Demolicións ferreira&cía presentará o seu primeiro espectáculo, Edison. Marían Bañobre e Santiago Cortegoso, de Ibuprofeno teatro, ofrecerá o que foi o seu primeiro traballo como compañía, “A filla de Woody Allen”, e que foi finalista aos Premios Max en 2011.

Inversa Teatro, logo da súa xira por Colombia, ofrecerán Kamouraska unha traxedia que, segundo recolle a compañía no seu web, ofrece “once embestida recorridas de excentricidade, elementos grotescos e desenfadados” que esixe un camaleónico traballo de interpretación.

Esta edición ter un orzamento de 120.000 euros, unha cifra inferior á última cita, que achegaron entre o concello de Ourense, Agadic, Instituto Nacional de Artes Escénicas, A Deputación de Ourense (unicamente coa cesión de espazos) e o Instituto Nacional de Artes Escénicas.